Сүйінші жаңалықпен алғашқылардың бірі болып спорт журналисі Аслан Каженов әлеуметтік желідегі парақшасында бөлісті, деп хабарлайды Caravan.kz медиа порталы.
"Қазақстандық Мөлдір Жаңбырбай каратэден әлем чемпионы атанды. Дүниежүзілік дода Будапеш қаласында өтті. Қазақ қызы 50 келіге дейінгілердің арасында топ жарды. Айта кету керек, бұған дейін бізде ересектер арасында WKF каратэден чемпион болмаған еді. Жастар мен жасөспірімдер санатында бар...", - деп жазды ол.
Венгрия астанасында өтіп жатқан WKF каратэден әлем чемпионатында Қазақстан делегациясы жалпы есепте 1 алтын, 1 күміс, 1 қола медальдың арқасында 5-орын алып, тарихи көрсеткішке қол жеткізді.