Бұл туралы Caravan.kz медиа порталы хабарлайды.
Заңгер умра қажылығын өтегінемен қоймай, Мұхамеджан Тазабекті әбден сынға алды.
"Мұхамеджан Тазабек ағамыздың жазбаларын оқып, Сауд Арабиясы артта қалған ел деп ойлайтын едім.
Сөйтсем, бұл ел білім мен цифрлы жаһандану арқылы дамуға бар күшін салып жатыр екен.
Ал біздің қазақтар сол елдің жаһандануына өз үлестерін қосып жатыр.
Тазабек қандай Меккеге барып жүргенін қайдам, бірақ мен барған Меккеде әйелдердің құқығы өте жоғары деңгейде екенін байқадым.
* Әсіресе ер азаматтар ақша табуды толық өз жауапкершілігіне алған.
* Әйелдер балаларын қалай асыраймын деп бас қатырмайды.
* Билік басындағылар қарапайым халықтың жері мен мүлкін “мемлекет қажетіне” деп тартып алмайды.
Бұл елде бөлісуге тұрарлық пайдалы және қызықты дүниелер өте көп.
Қаңтар оқиғасы кезінде елден “талақ айтып” кеткен Мұхамеджан ағамыз кезінде билікке осы елдің керемет тәжірибесін неге айтпады деген сұрақ мені мазалады.
Кофе ішіп, әтір сеуіп, қарапайым халыққа тек ақыл айтып қана қоймай, Сауд Арабиясы патшаларының өз халқына қандай жағдай жасап жатқанын насихаттамағаны өкінішті.
Оның жанындағы шапанын көтеріп жүрген шәкірттері мен Асыл арнасы тек құлшылық пен әйелдермен ұрсып, орамал мен тоқалдан басқа ештеңе айтпайтын.
Отыз жыл бойы қараңғы халықты дінмен улау билікте отырғандарға тиімді болды.
Қара халықты әдейі тобырға айналдырды!
Қалай болғанда да әйелдерді езумен келді.
Бұл – халықтың сенімін улау арқылы қоғамды басқарудың үлкен саясаты.
Миы уланған қараңғы әйел топас ұрпақ тәрбиелейді. Ұлтты жойғың келсе, көп нәрсе қажет емес – әйелді білімсіз қылсаң жеткілікті.
Нәтиже: қараңғы ұрпақ!
Ал Мұхаммед пайғамбарымыздың (с.ғ.с.) қызы Фатимаға көрсеткен құрметі мен мәртебесін бұлар білмеді деу мүмкін емес.
Әр елдің заңын, салт-дәстүрін сыйлап, құрмет көрсету – міндетім.
Бірақ бұл мен орамалға келдім деген сөз емес!
Өздерің ше пәтуа шығарып жүрмеңдер.
Ата-анамды Меккеге арқалап емес, ұшақпен алып бардым", деп жазды.
"Шет елге ақша беріп келдіңіз бе?", "Орамалға келу келмеу өз шаруаңыз. Оны есі дұрыс адам әңгіме етпейтін шығар. Дегенмен әйелдің мәртебесі сол елде орамалдың күшімен келгенін де түсінген шығарсыз", "Ол ел Меккеге қажылық жасағандардың қаражатымен өркендеуде. Әр Меккеге барған адам, олардың дамуына, кономикасына үлесін қосып жатыр", деп жазды оқырмандары.