Азия даму банкінің халықаралық кеңесшілерінің мәліметтеріне сүйенсек, тәжік мақтасын халықаралық стандарттарға сай сатқан кезде "ақ алтынның" әрбір тоннасының бағасы 80 - 82 долларға ұлғайып, нәтижесінде қосымша 12 - 15 млн доллар әкеле алады.
Тәжікстан Ауылшаруашылығы министрлігінің мамандары шетелдік сарапшыларды тарта отырып АҚШ Ауылшаруашылығы департаментінің алты стандартының негізінде мақта талшығының техникалық стандартын жасады. Оларды "Тәжікстандарт" агенттігі бекітіп, мемлекеттік реестрге енгізген.