Тәжікстан ауылшаруашылығы министрлігінің хабарлауынша, балық саласын дамыту үшін министрліктің жанынан "Мохии Точикистон" басқармасы құрылды. Қазір осы кәсіпорнымен қатар елде 18 балық өсіруші шаруашылық бар, оның 10-ы жекеменшік.
Тәжікстан үкіметі "Балық шаруашылығы саласын өсіру жөніндегі 2009 - 2015 жылдарға арналған бағдарлама" жасаған. Бұл бағдарлама аясында балық өсіретін бассейндер аумағы 15 мың гектарға дейін ұлғаюға тиіс, бүгінде балық өсірілетін су қоймалары 3 мың гектарды ғана қамтиды. Олар жылына 3,5 мың тонна ғана балық өндіре алады.
Тәжікстан су қоймаларында 65 балық түрі болса, шаруашылықтар небәрі 10 түрін ғана өсіреді.