Теміртауда белгісіз біреулер 59 жастағы Австралия азаматын тонаған.
Қалалық прокуратураның хабарлауынша, көшеде жүгіріп келген екі жігіт оның қалтасындағы портмонесін алып қашқан. Іс-сапарға келген шетелдік мейманның портмонесінде банк карточкасы мен 20 мың теңге болған көрінеді.
Қылмыскерлер жақын маңдағы банкоматтан карточкадағы 45 мың теңгені де шығарып алған.
Аталған факті бойынша қылмыстық іс қозғалып, қылмыскерлер іздестіріліп жатыр.