Үшінші партияда алда тұрған Галина сол басымдылықты пайдалана алмады. Сөйтіп 6:8 есебімен Карлаға жол берді. Алғашқы екі партия 6:7 және 6:3 есебімен аяқталған болатын. Г.Воскобоева әлемдік рейтингте 77-інші орында тұрса, К.Суарес-Наварро 16 сатыда келеді. Аталмыш чемпионатта ыстық ауа райына байланысты теннисшілердің шеберлігіне қоса төзімділігі де сыналуда.
Сонымен, Австралияның ашық біріншілігінде жекелей сында Қазақстаннан жалғыз Зарина Дияс қана қалды. Ол үшінші айналымда 1991 жылғы румыниялық теннисші, әлемнің 11-інші ракеткасы Симона Халеппен күш сынасады.