"Үстіміздегі жылы қылмыспен, есірткі бизенсімен, лаңкестікпен және экстремизммен күресудің біріккен іс-әрекеттерінің 2008-2010 жылдарға арналған мемлекетаралық үш бағдарламасының жобасын әзірлеу туралы шешім қабылданды, ол ТМД мемлекеттерінің басшылары кеңесінің қарауына енгізіледі",- деді В. Гархун.
Ол сондай-ақ, ТМД елдерінің сәйкес органдарының арасында ұйымдасқан қылмысқа, терроризмге, есірткі мен қару-жарақтың заңсыз айналымына, заңсыз көші-қонға қатысы бар тұлғалар немесе ұйымдар туралы жедел ақпараттар алмасу күшейтілетіндігін хабарлады.
Сонымен қатар, Қазақстан Республикасының Бас прокуратурасының баспасөз қызметінен хабарлағандай, кеңеске қатысушылар заңсыз көші-қон арналарын, есірткінің, қару-жарақтардың, оқ-дәрілер мен жарылғыш заттардың заңсыз айналымын анықтау және оның алдын алуға бағытталған біріккен профилактикалық, жедел-іздестіру және арнайы іс-шараларды жүргізу тәжірибесін одан әрі дамытудың орынды екендігін мойындап отыр.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті