"ТМД түбегейлі жаңалануы тиіс. Олай болмаған жағдайда бұл ұйым бірнеше ондаған жылдар бойына бір мемлекет аясында өмір сүріп үйренген халықтың үміт-сенімін ақтай алмайды",- деді ҚР СІМ.
Қ.Тоқаевтың пікірінше, "қазіргі таңда әсіресе тәуелсіздікке жаңа ғана қол жеткізген елдер мәдени және гуманитарлық саладағы ынтымақтастық аясын кеңейтуді талап етуде". Ол үшін шекараларды айқара ашып, еркін сауда-саттықты жолға қою қажет, деді Қ.Тоқаев. "Алайда кейбір елдер үшін бұл мәселелердің қиындыққа саналатыны бізді алаңдатады",- деді ол.
Қ.Тоқаевтың айтуынша, "ТМД аясында да түрлі ұйымдар мен топтардың бар екенін ұмытпау қажет. Олар ортақ мақсатқа жету үшін жақын ынтымақтаса, ықпалдаса алады және сөйтуге де тиіс". Осыған байланысты ҚР СІМ "ГУУАМ-ның басты қағидалары мен мақсаттарына жоғары баға берді".