«25 қыркүйекте 45 жастағы әйел пәтерінен қаракүзен тоны ұрланғаны туралы айтып полицияға келді. Сол күні ол ішкі істер органына тағы 11 жастағы ұлының жоғалғанын айтып шағымданған», - деді облыстық ІІД баспасөз қызметінен.
Полиция ақпаратынша, 26 қыркүйекте шамамен сағат 13.00-де 11 жастағы Леон Серікбаевтың өлі денесі даладағы қазылған шұңқырдан табылды.
«Криминалдық полиция қызметкерлері еш жерде жұмыс істемейтін қаза тапқан баланың анасының туысы - Жаңаарқа ауданының 20 жастағы тұрғынын ұстады. Ол пәтерден тонды ұрлап, баланы өзімен бірге алып кеткенін мойындады. Кейін оған пышақ сұғып, буындырып өлтірген. Баланың өлі денесін қазылған шұңқырға тастап жіберген», - деп хабарлады оқиғаның мән-жайын облыстық ІІД баспасөз қызметінен.
Ұсталған әйелдің үстінен қылмыстық іс қозғалды, заттай айғақтар алынды. Тергеу амалдары жүргізілуде.