Оқу-жаттығулар Ядролық физика институтының аумағында өтті.
Оқу-жаттығулар барысында хабар беру, апаттан құтқару және көшіру жұмыстарын шұғыл ұйымдастырып өткізу, жедел медициналық көмек көрсету мен зардап шеккендерді медициналық мекемелерге жеткізуді қамтамасыз ету мәселелері дәйектелді.
Дабыл бойынша қимылға кіріскен химиялық қорғаныс взводы радиациялық барлау жүргізіп, оның барысында зарарлы аймақтың шекарасын айқындап, ластану деңгейін анықтады. Ядролық физика институтының Азаматтық қорғаныс жөніндегі құрамы радиоактивтік қауіп-қатерді мейлінше шоғырландыру мен қызметкерлерді лаңкестік әрекеттің зардаптарынан қорғауға машықтанды.