"Салалық спорт қоғамдарын, клубтарды құру спорттық инфрақұрылым объектілерінің желісін кеңейтіп, сапасын арттыруға алып келеді. Ол ХХІ ғасырда дене тәрбиесі мен спорттық қозғалыстардың жаңа даму кестесін құруға мүмкіндік бермек. Еліміздегі бұқаралық спорттың көтерілуі ұзақ уақытқа жобаланған міндет. Ал оны орындауға біздің бүкіл қоғамымыз ат салысуы қажет", - деді Қ. Өскенбаев.
"Мұны іске асыру жолдарының бірі ретінде біз республикалық бюджет бағдарламасы аясында тендер өткізу жолымен әлеуметтік тапсырыс жүйесі арқылы жаппай спорттық шараларды өткізуді қарастырып отырмыз", - деді ол.
Министрлік мұндай кестені жергілікті атқару органдарына пайдалануды және бюджетті құру кезінде аймақ шеңберінде тиісті мерзімге бұқаралық спорттық шараларға кететін шығындарды қарастыруды ұсынып отыр.