Мақтаарал аудандық ішкі саясат, мәдениет және тілдерді дамыту бөлімі мен аудандық мешіт имамдарының біргелікте жүргізген жұмыстарының нәтижесінде аудандағы кенттер мен ауылдық округтердегі бірқатар ірі кәсіпкерлер қасиетті Рамазан айында ішімдік сатудан бас тартып, мейрамханаларда тойларды ішімдіксіз өткізуге уағдаласып отыр.
Аудан имамдары игілікті бастамаға қолдау білдіріп, табыс көзінің бір бөлігінен бас тартып отырған кәсіпкерлерді аудандық “Абдул Аким” орталық мешітінің бас имамы Қуаныш Бимағамбетовтың алғыс хаттарымен марапаттады. Мұндай бастама алдағы уақытта ауданның барлық ірілі-ұсақты кәсіпкерлерінің арасында жүргізіле беретін болады.