Бұл жайында УЕФА таратқан ресми баспасөз мәлімдемесінде айтылған.
Айта кетерлігі, Проэнса «Еуро-2012»-де үш ойынға төреші болған еді. Яғни олардың қатарында Испанияның да, Италияның да қатысуындағы ойындар бар. Мәселен, Испания-Ирландия арасындағы ойында испандықтар 4:0, ал Англия-Италия арасындағы ойында итальяндықтар пенальтиде 4:2 есебімен басым түскен еді.
Педро Проэнса үшін Италия мен Испания арасындағы ойын маусымдағы екінші ірі ақтық ойын болып саналады. Өйткені ол 19 мамырда Чемпиондар лигасының финалында мюнхендік «Бавария» мен лондондық «Челси» окмандалары арасындағы ойында бас төреші болды.
Бүгін Астана уақыты бойынша 00:45-те «Еуро-2012» финалында Испания мен Италия құрамалары Киевтеге «Олимпийский» стадионында кездеседі.