“Зейнетақы қорларының кірісі қазір кері таңбалы болып отыр. Осыған байланысты мен олардың кірісін арттыру мүмкіндіктерінің сценарийін 2006-жылдың 1-қыркүйегіне дейін анықтауды тапсырамын”,- деді Д.Ахметов үкіметтің отырысында сөйлеген сөзінде. Үкімет басшысының пікірінше, “әрбір жылдағы жағдайға сәйкестендірілген бірнеше сценарий болуға тиіс. Зейнетақы жинақтаушы қорлардың кірісіне қатысты проблемаға асқан абайлықпен әрі байыпты қарау керек”.
Өз кезегінде еңбек және халықты әлеуметтік қорғау министрі Гүлжан Қарағұсова “зейнетақы қорларының кірісін ұлғайту үшін мемлекеттік бағалы қағаздардың кірістілік деңгейін инфляцияның деңгейіне жеткізу, сондай-ақ, зейнетақы қорлары қатыса алатын, мемлекет кепілдік берген жобалардың тізімін кеңейту қажет” , деген пікір білдірді.