"Бұл мәселеде мемлекет пен бизнес барлық деңгейде бірлесе шара қолдануы маңызды деп санаймын. Үкімет техникалық мамандарды дайындау мәселелері бойынша мемлекеттік органдар, әкімдіктер мен бизнес-құрылымдардың ықпалдастығын орнатудың тиімді формасын дәйектеуі қажет", - деді Н. Назарбаев.
Мемлекет басшысының атап көрсетуінше, "мақсаттарды шешуде айрықша роль жергілікті атқарушы билікке тиесілі". "Жергілікті жерлердегі тауқыметтерді, өз өңірінің ахуалын, соның ішінде жастар ахуалын әкімдер жақсы біледі. Сол себепті кәсіптік-техникалық білім беру жүйесін дамытуға, сапалы білім алу үшін жағдайлар жасауға күнделікті назар аудару қажет",- деді президент.