Бұл туралы Caravan.kz медиа порталы kazinform.kz-ке сілтеме жасап хабарлайды.
Ол алғаш ресми жарияланған күнінен бастап күшіне енді.
14 тамыздан бастап, ҚР Ұлттық қауіпсіздік қызметі байланыс операторлары мен байланыс желілері иелерінің жедел-іздестіру, қарсы барлау іс-шараларын техникалық жүргізу үшін телекоммуникациялық жабдықтарының функцияларын меншікті немесе тартылған қаражат есебінен қамтамасыз ету қағидаларын әзірлеу мен бекітуге;
мемлекеттік статистика саласындағы уәкілетті орган айқындайтын дерекқорларды сәйкестендірілмеген түрінде ғылыми және ғылыми-техникалық қызметте пайдалану үшін ұсыну қағидаларын келісуге уәкілетті атанды.
2025 жылғы 7 қаңтардан бастап ҰҚК функциясына байланыс операторлары мен желі иелерінің төтенше жағдайлар қаупі төнгенде немесе туындағанда уәкілетті органға жиынтық деректерді ұсыну қағидаларын келісу, сондай-ақ деректерді өңдеу орталықтарының қызметін ұйымдастыру және халықаралық немесе ұлттық техникалық аудиттен өту қағидаларын келісу міндеттері қосылады.
Сондай-ақ, ҰҚК Шекара қызметінің адам саудасына қарсы іс-қимыл саласы бойынша да бірқатар функция қосылды.
Енді шекарашылар адам саудасының алдын алу жөніндегі шараларды қабылдауға; адам саудасына қарсы іс-қимыл саласындағы сын-қатерді бағалауға және оларды барынша азайту бойынша ұсыныстар енгізуге қатысуға; адам саудасы құрбандарына көмек көрсету және арнаулы әлеуметтік қызметтер көрсетуді ұсыну үшін оларды қайта бағыттауға қатысуға; ішкі істер органдарын өздеріне белгілі болған дайындалып жатқан не жасалған адам саудасына байланысты қылмыс фактілері туралы хабарлауға; адам саудасына қарсы іс-қимыл саласындағы қызметтің нәтижелері туралы жұртшылыққа хабарлауға; ҚР құқық қорғау органдарына азаматтарды қорғауға және шекаралық кеңістікте ҚР көші-қоны саласындағы заңнамасының сақталуына жәрдем көрсетуге міндеттеледі.