Премьер-министрдің айтуына қарағанда, министрлер кабинеті бұдан былай да осы бағытта оңтайлы жұмыс жүргізе бермек.
Бірақ, Януковичтің пікірінше, Украина ұйымға асықпай, сенімді болып кіруі керек. Үкімет басшысы сауда ұйымына кіру талабы Украина экономикасының барлық саласына тиімді болуы керек, міндетті түрде өтпелі кезең және ішкі нарықты сақтау қарастырылуы тиіс.
В.Януковичтің айтуынша, Украина үкіметі Бүкіләлемдік сауда ұйымына кіру туралы тапсырысқа қатысты жұмысшы топпен арадағы келіссөзді 2006 жылдың желтоқсанында аяқтауды жоспарлап отыр.
Айта кетейік, Укранинаға Бүкіләлемдік сауда ұйымына кіру аясында Қырғызстан мен Тайваньның тауарлар мен қызмет көрсету нарығына өзара енуге жол ашу туралы хаттамаға қол қою ғана қалды. Оған қоса , сауда ұйымына кіруге қатысты тағы 14 құжатты парламент әлі мақұлдаған жоқ.
Сессия барысында сөйлеген сөзінде В.Янукович үкіметтің оң жетістікке қол жеткізуі үшін, парламент және президентпен белсенді жұмыс істеуі қажет деп атап өтті. Виктор Януковичтің сөзіне қарағанда, үкімет оппозиция өкілдерімен де бірлесе жұмыс істеуді көздеп отыр, олар министрлер кабинетіне "бақылаушы" болмақ.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті