Бұл туралы Харьков облысындағы қазақ қауымдастығының жетекшісі Макка Қаражанова Facebook желісіндегі парақшасында жазды, - деп хабарлайды Caravan.kz медиа порталы.
“Жұма, 14 қараша таңертең жақсы жаңалықсыз басталды. Альбина Ахметованың парақшасынан мен Украина Қарулы Күштерінің жауынгері, Шетелдік легионның сарбазы, қазақ Марлен Молдырайымның қаза тапқаны туралы жазбаны көрдім. Біз ешқашан таныс болған емеспіз, сөйлесіп те көрмедік, бірақ жігіттерден оның ВСУ қатарында жүргенін білетінмін. Ол бізбен байланысқа шықпайтын — бұл түсінікті еді. Жақындарына зиян келтіруі мүмкін ақпараттың қайдан таралатынын ешкім болжай алмайды. Екі апта бұрын танысым хабарласты: оның досы Марленге хабарласа алмай жүр екен. Олар Киевте кездесуге келіскен, бірақ Марлен позицияда болған, содан кейін байланыс үзілген” – деп жазды Қаражанова.
Қаражанованың айтуынша, Марлен – Қазақстанның бұрынғы азаматы.
“Марлен Украинаға өз еркімен келген. Келген кезде ол Қазақстан азаматы болмаған, басқа елдің азаматтығын алған еді”, - деп жазды ол.