Бұл туралы Caravan.kz медиа порталы хабарлайды.
Әбілдаев мәжілістің жалпы отырысында:
«Қазақстан армиясы мен Ішкі істер министрлігінің жеке құрамы шамамен 200-300 мың адамды құрайды. Біз ҰҚШҰ әскерінің 2 мың адамының келуін күттік пе? Әлде үлкен ағамыздың көмегін күттік пе? Айтайын дегенім, Мәскеуде отырған ағамыз. Ол рұқсат берген бойда біз күресті бастап кеттік пе? Әлде Ішкі істер министрлігінің басшылары, комитет туралы мүлде сөз қозғамағанда, қорғаныс министрліктері қандай бұйрықты орындау керектігін білмеді ме?» деп сауал тастады.
«Қаңтар оқиғасына соңғы үш айда қызу дайындық жүргізілгенін бәрі біледі. «Сигналдар» келді, яғни бәрі қай күні, қай сағатта басталатынын білді. Бүгінгі күнге дейін лаңкестік фактісі бойынша оларға қатысты шара қолданбадық, әзірге бір басшы да ұсталған жоқ. Олардың барлығы шоттарын, шетелдік жылжымайтын мүліктерін сақтау үшін басқа нұсқауларды тыңдады» деп ашығыр айтты депутат.
Сонымен қатар, ол тәртіп бұзып, заңсыз әрекетке барғандарды ату туралы бұйрық уақтылы берілген деп санайды.
«Бұл бұйрық жарты күн бұрын берілсе, бұл лаңкестердің барлығы «батыр» саналып, жарты күннен кейін берілсе, біздің Орталық Азия «араб көктемінде» алаулаған болар еді. Бүгін Донбаста жүргізіліп жатқан антитеррорлық операцияның 1,5 айдан кейін басталуы кездейсоқ емес, Тәжікстан шекарасында 6 мың талибанның тұруы кездейсоқ емес – мұның бәрі бір нәрседен. Міне, біздің көшбасшыларымыздың сатқындығы…» деп жалғастырды Әбілдаев. Осыдан кейін депутаттың микрофоны бірден сөніп қалды.
Нәтижесінде өз дауысының ешкімге естілмей тұрғанын түсінген депутат, қолын бір-ақ сермеді.