Баспасөз қызметінің хабарлауынша, меморандум энергия өндіруші әрі тұтынушы ретінде Қазақстанға деген қызығушылықтың арта түскенін паш етумен бірге ұзақ мерзімді перспективада елдің экономикалық дамуында энергетикалық сектордың маңызын көрсетеді.
Меморандумда Қазақстан мен Ұлыбритания арасындағы қарым-қатынаста энергетикалық сектордың шешуші роль атқаратыны атап көрсетілген.
Меморандумға қол қою нәтижесінде бизнес жүргізу мен инвестицияға артықша жағдай жасау жолдарын табу, мұнайгаз саласындағы ашықтықты басқару және оны ынталандыру тәжірибесін жетілдіру, екі елдің энергетикалық секторындағы ынтымақтастық пен ықпалдастық аясын кеңейту тәрізді салалардағы екі жақты байланыс нығая түспек.
Осындай меморандумға қол қою туралы идея Ұлыбритания премьер-министрінің арнаулы өкілі Лорд Леви мен Қазақстан президенті Нұрсұлтан Назарбаевтың 2003-жылғы қыркүйек айындағы кездесуінде алғаш рет талқыланған.