Өкілдіктің ашылу салтанатында сөз сөйлеген Д.Стро кеңсені ашу Ұлыбритания елшілігін Астанаға көшіруге жасалған алғашқы қадам болмақ деп атап көрсетті.
Сондай-ақ, Қазақстанға сапары аясында Джек Стро Елбасы Нұрсұлтан Назарбаевпен және сыртқы саясат мекемесінің басшысы Қасымжомарт Тоқаевпен кездесті. Екі жақты кездесулер барысында Ұлыбритания-Қазақстан қарым-қатынасы, энергетика саласындағы ынтымақтастық, экономикалық даму, қоршаған ортаны қорғау және қорғаныс саласындағы ықпалдастық тақырыптары талқыланды.
Джек Стро аймақтық ынтымақтастық пен қауіпсіздікті нығайтудағы Қазақстан ролін жоғары бағалап, еліміздің Иракты қалпына келтіруге қосқан үлесіне ризашылық білдірді.