"Тоғызыншы сәуірде Батыс Қазақстан облысының Ішкі істер департаментінің Теректі АІІБ кезекші бөлімшесіне белгісіз біреу қоңырау шалып, Оралдан 17 сағатта ұшатын ұшақ бортында екі қылмыскер бар екендігі, оларда жарылғыш заттардың бар екендігін хабарлаған. Тексеру шаралары барысында жарылғыш зат табылған жоқ",- деді Бағдат Қожахметов.
Оның айтуынша, сол күні "Батыс Қазақстан облысының Долинное ауылының 1968 жылы туған, ешқайда жұмыс істемейтін және де жарылғыш зат туралы жалған хабар берген тұрғыны құрықталған". "Оның үстінен қылмыстық іс қозғалды, қазіргі уақытта тергеу жұмыстары жүргізілуде",- деп қосты Бағдат Қожахметов.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті