Қазақстан Республикасы мен Венгрия арасында достық байланыстар мен ынтымақтастық негіздері туралы келісімге 1994-жылдың 7-желтоқсанында Қазақстан президенті Нұрсұлтан Назарбаевтың Будапешт сапары кезінде қол қойылған. Сол 1994-жылы Будапешт пен Алматы қалаларындағы дипломатиялық өкілдіктер ашылды. Венгрия 1991-жылы Қазақстанның тәуелсіздігін мойындаған алғашқы елдердің бірі.
Елшіліктің баспасөз қызметінің хабарлауынша, соңғы 10 жылда екі ел арасындағы қарым-қатынас үлкен қарқынмен дамыды. Арақатынастың барлық салаларында келісім базасы құрылды. Соңғы үш жылда Қазақстан Республикасы мен Венгрия арасындағы тауар айналымы екі есе артты. 2004-жылдың аяғында бұл көлем 95-100 млн. долларға жетеді деп күтілуде.
Жоғарыда аталған даталы күнге орай Қазақстандағы Венгрия елшілігі "Шежіре" қазіргі заманғы өнер галереясымен бірлесіп Астанада Венгрияның этнофотосуретшісі Ласло Кунковачтың "Венгриялық бақташылар: тарихы мен мәдениеті" деген тақырып бойынша фотокөрме ұйымдастырмақшы. Көрме 8-желтоқсанда ашылады.