Жарысты іріктеу сайыстарынан бастаған қазақстандық теннисші алғашқы айналымда әлемнің 30-ракеткасы, чехиялық Мария Боузковамен шеберлік байқасты, деп хабарлайды Caravan.kz медиа-порталы Қазақпарат-қа сілтеме жасап.
Жекпе-жектің фавориті чехиялық спортшы саналғанымен, Юлия Путинцева 6:2, 7:6 (7:5) есебімен жеңіске жетті.
Екі сағат 7 минутқа созылған тартысты бәсеке барысында Юлия 13 брейк-пойнттың бесеуін мүлтіксіз пайдаланды. Қарсыласы 2 эйс, 3 брейкпен (9 брейк-пойнт) көзге түсті.
Ю.Путинцева 1/8 финалға шығу үшін әлемнің 10-ракеткасы, франциялық Каролин Гарсия немесе рейтингте 88-орында тұрған украиналық Катерина Байндлдің біреуімен таласады.
Еске сала кетейік, бұдан бұрын Елена Рыбакинаның Бейжің турнирінде Азиада чемпионымен ойнайтынын жазған болатынбыз.
Сондай-ақ Юлия Путинцева Бейжіңде негізгі жарысқа жолдама алғанын хабарлады.