Қазақстанда тұңғыш рет ұйымдастырылған бұл жарыста беларус Юрий Щорс Әлем чемпионы, литвалық Дудзинскас Айварас (Dudzinskаs Aivaras) күміс, украиналық Алексей Зайко қола жүлдегер атанды. Ал командалық сында Беларус құрамасы бірінші, ал олардан 1 ұпайға қалып қойған Украина құрамасы екінші орын алды. Үздік бестікке сондай-ақ Польша, Латвия және Литва құрамасы енді.
Чемпионатқа АҚШ, Беларус, Қазақстан, Латвия, Литва, Польша, Ресей, Украина, Швеция, Финляндия мен Эстониядан 58 спортшы қатысқан болатын. Бұл бәсекеде қазақстандықтардан Дмитрий Левитский - 15, Санат Князбаев - 21, Александр Кубасов - 22, Мурат Аленов - 42, Павел Логвиненко - 53, Вадим Ягфаров 59 орын алды.