Олардың біреуі жедел жәрдем шақыртқан екен. «Көкек» ана оны туа салысымен жөргекке де орамай тастап кеткен; шарана әбден тоңып қалған. Дәрігерлер алғашқы медициналық көмек көрсетіп, бірден перзентханаға жеткізді. Салмағы үш жарым келі қыздың денсаулығы жақсы; қазір дәрігерлердің бақылауында. Ал полиция сәбидің анасын іздестіруде. Мамандардың айтуынша, әйел сол қамыстың арасында босанғанға ұқсайды.
Ирина Фаюстова,Көкшетау қалалық перзентханасының дәрігері:
- Стационарда босанбаған, тіпті баланың кіндігі де кесілмеген. Тоңып қалыпты. Бірақ дені сау туған. Қазір қолдан тамақтандырып жатырмыз.