Шамарр Аллен жетекшілік ететін бұл танымал ұжымның бірегей думаны 20 сәуір күні кешке Металлургтердің мәдениет сарайында өтті, ал оның алдында музыканттар өскемендік джаз әуесқойларымен кездесті.
Танымал топтың Өскеменге сапары А.С.Пушкин атындағы облыстық кітапхананың Американдық мәдени орталығының арқасында мүмкін болып отыр. Орталықтың жетекшісі Айман Жаманқұлованың айтуынша, музыкалық ұжымның концерті Джаз апталығының аясында өтті.