Тұрсынбек Өмірзақов, Мәжіліс депутаты:
- 50-ден асқандар жұмысты істей алмайды. Қабілеті жоқ деген қисық түсінік бар. Соны біз өзгертуіміз керек.
Себебі жеке компаниялардың еркінсігені соншалық, өздері би өздері қожа. Қит етсе, түрлі сылтау тауып зейнет жасына жақындап қалғандарды жұмыстан шығаруға дағдыланып алған. Сөйтіп қаншама адам далада қалып жатыр. Оның үстіне елуден асқандарды қызметке алмау әлі тыйылмай тұр. Коммунистер жарнамасы жер жарған «Жұмыспен қамту-2020» бағдарламасын да қатал сынға алды. Өйткені бюджеттің миллардтары бөлініп жатқанымен, басқа мамандықты игеріп шыққандар жұмысқа тұра алмай зар илеп жүр.