Біраз уақыт Италияда оқып келген Әбілқайыр Жексен сол елдің ұлтының қызымен қол ұстасты. Мұны пешенеме жазылған тағдыр деп санайды.
"Бұл менің тағдырым. Қанша қазақ қыздары болды. Бірақ олардың ешқайсысымен емес, өзге ұлттың өкілімен бас қостым. Қазір келіндеріңіз біршама қазақша үйреніп қалды. Таңертең тұрып сәлем салады. Шай құяды. Ата-енесімен бірге тұрады. Маған көп сын айтылып жатады. Бірақ мен сонша таңғалатындай маймылға, орангутанға үйленген жоқпын", - дейді ол.
Бүгінде бір қыздың әкесі. Ата-анасы бастапқыда өзге ұлттан келін әкелуге қарсы болғанымен қазір немерелі болып отырған жайы бар. Бір жасқа толған немересінің есімін Ләйлім деп атасы қойған.