"Біз Екібастұз ГРЭС-2 даму болашағы мәселесін қарастырып, қатынастарды реттеуден оның қарқынды даму кезеңіне көштік. Соған байланысты, жуырда Екібастұз ГРЭС-2 жаңа блогының құрылыс жобасы дайындалатын болды", - деді министр.
Ол атап өткеніндей, "оның қаржыландыруына Қазақстан және Ресейдің қаржы құрылымдарына, сондай-ақ, бірлескен Еуразиялық даму банкі қаржы институтының қатысатынына сенім артудамыз".
Бұдан бұрын хабарланғанындай, өткен аптада Екібастұз ГРЭС-2 кешенді күрделі жұмыстары өткізілгеннен кейін, екінші қуат блогы іске қосылды. Кәсіпорынның техникалық жағдайын жақсарту бағдарламасын Қазақстан мен Ресей мамандары даярлады. Бірінші кезекте стансаның техникалық жағдайы жетілдірілді.
Жаңартудың бірінші кезеңінде №1 қуат блогының экономайзер қазаны және екі қуат блогының 500 МВт турбиналарындағы қысымы төмен роторлар ауыстырылды.
2008 - 2009 жылдары жаңартудың екінші кезеңін өткізілу жоспарланған. Оның тиімділігі аса жоғары болғандықтан, ол Паввлодар облысының экологиялық жағдайын жақсаруға пайдасын тигізеді. Сондай-ақ, қуаты 500 МВт болатын 3 қуат блогының құрылысы басталады.
Бұдан бұрын хабарланғанындай, Екібастұз ГРЭС-2 елде өндірілетін қуат көздерінің 10 пайызын құрайтын ең жас кәсіпорын болып саналады. Станса екі қуат блогынан құрылған.
2005 жылдың аяғында Екібастұз ГРЭС-2 негізінде, қазақстан-ресей бірлескен кәсіпорын құрылды. 50 % акциясы "Самұрық-Энерго" АҚ құрамына кіретін "Екібастұз энергоорталық" АҚ басқаруына берелген болса, қалған мемлекеттік акциялар ресейлік "ИнтерРАО ЕЭС" ЖАҚ еншісінде.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті