ЮНЕП мәліметтеріне сүйенсек, жыл сайын осындай қалдықтардың жиырмадан елу млн тоннасы өңделместен, қоқыстарға тасталады. Тек АҚШ-тың өзінде жыл сайын 14-20 млн компьютер лақтырылады екен. Олардың құрамында қорғасын, сынап, және басқа да зиянды қалдықтар бар екені белгілі. Ұялы телефондардың жағдайы да осы секілді. Биыл осындай телефондарды пайдаланушылар саны 3 млрд-қа жеткен. Мұндай алғашқы 1970 жылы пайда болып, 2004 жылы 1,76 млрд пайдаланушыға ие болған. тиісінше "ұялы қалдықтардың" көлемі де шапшаң өскен. Балиде өткен кездесуде қолданыстан шыққан телефондарды жою жөніндегі техникалық кеңестердің жаңа тізімі мақұлданатын болады.