Жарияланды: 680

Маңғыстаулық археологтар Форт-Шевченко қаласынан 30 шақырымда біздің жыл санауымызға дейінгі III-II - ғасырлардағы көне қоныстың жұрнақтарын тапты

Маңғыстау мемлекеттік тарихи-мәдени қорығының археологтары Түпқараған ауданындағы Форт-Шевченко қаласынан 30 шақырымда біздің жыл санауымызға дейінгі III-II - ғасырлардағы көне қоныстың жұрнақтарын тапты,- деп хабарлайды KZ-today тілшісі.

Бұл - осы облыс аумағынан табылған біздің жыл санауымызға дейінгі III-II - ғасырлардың бірден-бір ескерткіші. Табылған сағана ұлутастардан салынып, қабырға тақталары осы жерден 30 метрде орналасқан жартастан қашап дайындалыпты. Сағанадан садақ оғының ұштығы шықты. Әрбір тарихи дәуірдің өзіне ғана тән қару-жарақ түрлері болғандықтан, сол ұштықтарға қарап қоныстың нақты қай кезеңге жататыны анықталған. Сондай-ақ, сағанадан екеуі сау күйінде сақталып қалған бірнеше балшық ыдыстар табылды. Археологтар сонымен бірге ежелгі темір дәуіріне тән күміс сырғалар мен темір білезік олжалады. Мұндағы қазба жұмыстары үш аптаға созылады.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть