Беташар басталмай жатып, журналистерге сұхбат беріп те үлгеріп жатыр. Беташар демекші, айдай сұлу келіннің бетін Өмірқұл Айниязов ашты.
Ал, тойдың бірінші бөлімін «мистер Жанатбек Бәйтеков» жүргізді.
Тойда қазақ шоу бизнесінде үлде-бүлдеге оранған әртістердің бәрі жүр. Сәбит Әбдіхалықовтың келіншегі Алтынай Жорабаева Астанадан жалғыз келіпті. Бұл тойда Жанар Айжанова да жалғыз. Жанболатта Жазирасын тастап өзі келіпті. «Жігіттер» тобы түгел жүр. Соған қарағанда Мырзахан Санкт-Петербордан емделіп келсе керек.
«Музарт» тобындағы Мейрамбек пен Кенжебек те құттықтап келген. Алайда, Сәкен Майғазиев көрінбеді.
Есесіне, «Музарттың» экс-солисі Мақсат Базарбаев жүр.
Қып-қызыл көйлек киген Алтынай Жорабаева екі ән айтты. Бұрын соңды билегенін көрмеген Алтынайға халық таң қалысты.
Ал, «Меломендіктер» ән айтуға кезек күтіп тұрып қалдық дейді. Тіпті, «Ешқашан дәл осындай әншісі көп той көрмедім» деп ағынан жарылды Ғабит. Бас киім мен көзілдірігін тастамайтын Нұржан Керменбаев тойдың екінші дастарханына келді.
Айқын Төлепберген де халықты билетіп, әннен шашу шашты. Ал, шоу бизнестің бүкіл дүлдүлдерін жинаған Асхат Тарғынов «шақырылған қонақтардың 90 пайызы келді» деп мәз.
Тойдың екінші бөлімін атақты әзілкеш Қайрат Әділкерей тізгіндеді. Ортаға биге шыққан ақтөбеліктерді отырғыза алмай әлек болды. Әзілін айтып, тойға кешігіп келген Төреғали Төреәліні бір мысқылдап елді күлкіге қарық етті.
«Төреш баршы бар. Мама папаңның қасына отыршы. Осы неге ылғи тойға папаң мен мамаң келеді. Бізге сен керексің. Хитменім менің. Төреш Қайраттан оза алмай жүр» дей келе артынша ойланбай сөйлеген сөзін жуып шайды. «Қазір елдің бәрі Қайратпен салыстырады Төрешті неге екенін. Екеуінің өз орындары бар» деп Төреғалиді жұбатқандай болды.
Ал, тойда ән айтқан Төреш «осы чип-чипсіз өтіп жатқан алғашқы той шығар» деп Асхат ағасын бір мысқылдап, бір мақтап алды. Той бітерге тақағанда Беркут та Аишасыз қара күртешемен жетіп келді. Бұл той ел есінде қазақ эстрадасының тек ер азаматтарын жинаған той болып есте қалатын болатын сияқты.
