Драма жанрындағы фильмнің режисері Рүстем Әбдірашов. Рөлдерде Бибігүл Төлегенова, Ержан Жарылқасынов, Нұржұман Ыхтымбаев, Алмагүл Әлішева, Наталия Арынбасарова, Елжас Әлпиев, Абілмансұр Серіков, Нұрлан Әлімжанов сынды елімізге белгілі актерлер ойнаған.
«Еліміздің Президенті Нұрсұлтан Назарбаевтың жастық шағын ойнау өте үлкен жауапкершілік екендігін сезіндім. Сондықтан бастапқы кезде толқулар да болды. Кейін сценарийдің жақсы жазылғандығынан өлеңдетіп жүріп түсіріп шықтық», -дейді актер Нұрлан Әлімжанов.
Актер Нұржұман Ыхтымбаев та алғашқы кезде расымен де қобалжулар болғандығын, дегенімен ҚР Мәдениет министрі Мұхтар Құл-Мұхаммедтің және «Қазақфильм» директоры Ермек Аманшаевтың қолдау көрсетіп, араласуы арқасында сәтті түсіріп шықтық деген ойын білдірді. «Олар барлық түсірген дүниені қарап, фильмнің жоғары сапада шығуына өз үлестерін қосты», -дейді актер.
