Нұрболат Абдуллин бейтаныс арумен көзге түсті. Әнші жұрттың қызу талқысына түсті, деп хабарлайды Caravan.kz порталы Stan.kz.-ке сілтеме жасап.
Соңғы кездері Нұрболат романтика мен құпияға толы посттар жиі жариялауда. Жуырда әнші кешкі аста әйелімен отырған суретін жариялап:
“13 жыл оңай емес" деп жазба қалдырды. Алайда әнші жұбайының жүзін көрсетпеді.
Өткен демалыста әнші тағы да құпияға толы кадр жариялап, жұрттың қызу талқысына түсті. Теріс қарап тұрған қыздың кім екенін біле алмай, көпшіліктің басы қатты.
Оқырмандардың бірі аруды Мәдина Сәдуақасоваға, екіншісі – әнші Бақыт Тұрманға ұқсатты. Ал үшіншілері суреттегі Нұрболаттың жары деп топшылады.
Абдуллин мұнымен де тоқтап қалмай, тағы бір сурет жариялады.
Тағы да сол стильден ажырамаған әнші жұбының жүзін көрсетпестен: "Бүгін бос емеспін" деп жазба қалдырды.
Бұл жолы көпшілік суреттегі әншінің жары екеніне сенді. Тіпті Жазира Байырбекова:
"Алғашқы махабатың ба? Әлгі үйіңде жүрген", – деп қалжыңдады.
