«Екі езу» эстрадалық миниатюра театры елордалық көрермендерге жаңа бағдарламасын ұсынды

Бұл ұжым 1998 жылы Ақтөбе қаласында алғашқыда күлкі клу­бы болып құрылған. Әдемі әзіл-қалжыңымен елге танылған «Екі езу» әзіл-сы­қақ театры 2011 жылдың сәуі­рінде Ақтөбе облыстық әкім­ді­гінің қол­дауымен мемлекет құ­зы­рына өтіп, эстрадалық миниатюра театры мәртебесіне ие болды. Жаңа бағдарламада ұжымның танымал әртістері қоғамдағы келеңсіз жайларды сахнаға шығарды. Театр директоры, көркемдік жетекшісі Нұрлыбек Жұбатқан бастаған өнерлі ұжым астаналық көрермендердің ықыласына бөленді. Айта кету керек, бұл театрдың сұрамшақ көрші туралы интермедиясы көрермендерге жақсы танымал. Бұл жолы әртістер «Осы интермедияны еліміздің драма театрлары сахнаға шығарған екен» деп туындыдан жаңаша түрленген үзінді көрсетті. Одан кейін «Осы интермедия негізінде «Қазақ фильм» студиясы фильм түсірген екен» деп кино түріндегі көріністі ұсынды. Әсерлі шыққан көріністер көрермендердің көңілінен шықты.