Жарияланды: 4600

КешYou тобының әншісі «үш балалы отбасын бұзды» дегендерге жауап берді

КешYou тобының әншісі «үш балалы отбасын бұзды» дегендерге жауап берді

КешYOU тобының әншісі Ақбота Сейтмағамбет өзінің жеке өміріне қатысты ел арасында тарап кеткен әңгімелердің нүктесін қойды. Әнші «үш баласы бар отбасын бұзды» дегендерге жауап берді, деп жазады Стан. кз.

Ақбота топта биылғы жылдың 31 желтоқсанына дейін ән салады. Бұл туралы ол Comode.kz басылымына берген сұхбатында айтты.

«Топтан кететінім туралы Баян Мақсатқызына ұзақ уақыт бойы айта алмай жүрдім, өйткені ол шетелде емделіп жатты. Мүмкіндік туа салысымен жеткіздім. Ол қатты таңырқап қалды, мені топтан осылайша тез кетеді деп күткен жоқ. Бірақ Баян Мақсатқызы да әйел. Ол мені түсініп, қолдау көрсетті. Ол үшін оған алғысым шексіз. Топта істеген жұмысым мен үшін баға жетпес тәжірибе болды. Мен туралы неше түрлі сыбыстар тарап кетті. Кейбіреулер менің «Алау» тобының әншісіне тұрмысқа шығатынымды айтып жүр. Бірақ ол өтірік. «Алаулық» жігіттермен достық қарым-қатынастамыз, оларды ағаларымдай көремін», – деп атап өтті Ақбота.

Бұдан бөлек, Ақбота Сейтмағамбет болашақ жарының ел ойлағандай Дәурен Айдарқұлов емес екенін мәлімдеді. Сондай-ақ, болашақ зайыбының өнер әлеміне қатысы жоқ екеніне сендірді. Алайда продюсер Баян Есентаева Ақботаның өз сүйіктісін «Гламур для дур» фильмінің түсірілім алаңында жолықтырғанын айтқан еді.

Айтпақшы жастар әлі некелесу күнін белгілемеген. Ақботаның айтуынша, үйлену тойы жаз айларына қалдырылуы мүмкін.

Пікір қалдырыңыз

Пікір қалдыру тіркелген пайдаланушылар ғана мүмкін