Кобзон Астанада Назарбаевтың өлеңіне жазылған "Менің қалам" деген жаңа әнді орындап береді

"Біз үлкен бағдарламамен келдік. 54 жыл бойы эстрадада орындалған әндерімнен попурри тыңдайсыздар. Жаңа ән де болады. Бұл Астанаға арналған Нұрсұлтан Назарбаевтың өлеңіне жазылған Төлеген Мұхамеджановтың жаңа әні "Менің қалам" болмақ, деді И.Кобзон Астанада дүйсенбіде концерт алдындағы баспасөз мәслихатында. И.Кобзон Астанаға әртістің 75 жылдығына арналған қорытынды тур шеңберінде ұйымдастырылған "Өмір, мен сені сүйемін" деп аталатын концерттік бағдарламасымен келді. Концерт дүйсенбіде кешке "Қазақстан" орталық кинозалында өтпек.