«Қазақфильм» 20 көркем фильмді түсіруді аяқтайды

Министрдің айтуынша, аталған 20 фильмнен бөлек, тағы 10 туынды өндірісте жатса, бұдан басқа 10 фильмді түсіру биыл қолға алынады. «Сонды бір жылда 40 көркем фильмнің жұмысы жүргізіліп жатыр деген сөз. Егер бұған деректі фильмдерді қосып есептесек, бір жылда «Қазақфильм» 70 туындымен жұмыс істеп отырғанын айтуға болады. Бұл шындығында еліміз үшін өте үлкен көрсеткіш», — деді М. Құл-Мұхаммед. Оның айтуынша, еліміздің киностудия тарихында алғаш рет жүргізілген жаңғыртудың нәтижесінде постөндірістің барлық технологиялық топтамасы қалыптастырылған. Соның нәтижесінде қазіргі таңда постпродакшн бойынша барлық қызметтер тікелей «Қазақфильмнің» өзінде жүзеге асады.