Жарияланды: 390

Қазақстан Жазушылар одағының төрағасы Ұлықбек Есдәулет Еуразиялық құрмет белгісімен марапатталды

Қазақстан Жазушылар одағының төрағасы Ұлықбек Есдәулет Еуразиялық құрмет белгісімен марапатталды

Бұл "Еуразия әлемі – XXI ғасыр" жаһандық еуразиялық жақындасудың мемлекетаралық форумы ұйымдастыру комитетінің ресми сыйлығы. Жоба Ресей Федерациясы Президенті Әкімшілігімен, Еуразиялық экономикалық комиссиямен, Мәскеу қалалық Думасымен бірлесіп жүзеге асады.

Еуразиялық Құрмет Белгісі биылғы жылы бекітілді, Қазақстан Жазушылар одағының төрағасы Ұлықбек Есдәулет оның алғашқы лауреаттарының бірі атанды, деп хабарлайды Caravan.kz медиа порталы kazembassy.ru-ға сілтеме жасап. 

Қазақстанның Мәскеудегі Елшілігінде өткен марапаттау рәсімі барысында "Еуразия әлемі – ХХІ ғасыр" форумының марапаттау кеңсесінің мүшесі, ВОСВОД Кеңесі Төралқасының мүшесі Юрий Безридный Ұлықбек Есдәулеттің елдерді, мәдениеттер мен халықтарды Еуразиялық жақындастыру ісіндегі көп жылғы еңбегі үшін "Қоғамдық қызмет" және "Мәдениет" номинациялары бойынша ие болғанын атап өтті.

Өз кезегінде Ұлықбек Есдәулет құрметті марапат үшін ризашылығын білдіріп, еуразиялық кеңістікте шығармашылық байланыстар мен мәдениеттер диалогын нығайтудың маңыздылығын атап өтті.

Айта кетейік, қазіргі уақытта пандемия басталғалы бері алғаш рет Қазақстан мен Ресей өкілдері арасындағы шығармашылық байланыстар қайта жандануда. Естеріңізге сала кетейік, 2014 жылдың қараша айында Мәскеуде КСРО ыдырағаннан бері екі ел жазушыларының кең ауқымды кездесуі өтті. Осыдан кейін "Қазақстан – Ресей" әдеби альманахының бірнеше нөмірлері, сәйкесінше "Еуразиялық муза" тақырыптық беттері ресейлік "Литературная газетада" жарияланды. Соңғы жылдары Қазақстанда өзіндік ерекшелігі бар авторлардың жаңа буыны өсті, олардың шығармашылығы Ресейдің оқырмандарына қызықты болуы мүмкін. Өз кезегінде, Қазақстанда да жаңа орыс әдебиетімен танысқысы келеді.

Пікір қалдырыңыз

Пікір қалдыру тіркелген пайдаланушылар ғана мүмкін