«Қоңыр» тобының әншісі Жазира Қошанова тұрмысқа шықты. Әнші топтан кететінін мәлімдеді, деп хабарлайды Stan.kz.
«Қадірлі ағайын, естеріңізде болса біраз күн бұрын ВК желісінде мен және менің топтан кететінім туралы продюсерім, әрі ағам Сержан Молдасанұлының жазбасы пайда болған еді. Бізге тілекші болған, жаны ауырған барлығыңызға мың алғыс. Маған да оңай тиіп жүрген жоқ. Уакыт жақындаған сайын бір қимастықтың күшейіп жатқаны да рас. Барлығы өмір заңы. Аз күн бұрын ағама xабарласып, топқа алынатын қыздарға байқауды (кастинг) бастай берейік деп шештік. Мен үшін де «Қоңырға» кімнің келетіні аса маңызды», – деп жазды Жазира желідегі парақшасында.
Әншінің өзі тұрмысқа құратынын жарияламаса да, бұл сырды Мәдина Сәдуақасова ашып қойды.
«Жазира сіңіліме ақ жол тілеп, барған жеріңе судай сіңіп, тастай бат деген тілекпен…» – деп жазды Сәдуақасова.
