Жарияланды: 510

ҚР мемлекеттік хатшысы өзінің жеке жинағынан біздің жыл санауымызға дейінгі 5-ғасырдан қалған 4 жәдігерді Астанадағы мұражайға сыйлады

Бүгін, 9-желтоқсанда ҚР мемлекеттік хатшысы Иманғали Тасмағамбетов өзінің жеке жинағынан біздің жыл санауымызға дейінгі 5-ғасырдан қалған 4 жәдігерді Астанадағы ҚР президенттік мәдениет орталығының мұражайына сыйлады,- деп хабарлайды KZ-today тілшісі.

Мұражайға сыйға тартылған бұйымдардың арасында қола шамдал, екі бірдей қола қазан мен тастан жасалған көлегей шам бар. Аталмыш мұрағаттарды мұражайға тапсыру барысында И.Тасмағамбетов "көшпенді ата-бабаларымыз әлемдік мәдениет құндылықтарының қатарына басқа халықтармен бірдей өзіндік үлесін қосты",- деп атап көрсетті. Мұражайға тарту етілген қазанның бірі, мемлекеттік хатшының айтуынша, Алматы облысында металл қалдықтарының арасынан табылған. Екіншісі де осыдан 25 жыл бұрын Алматы облысындағы темекі егетін кеңшарда табылыпты. Оны ауыл мұғалімі егістіктен тауып алған. Кейіннен ол құнды жәдігерді өзімен бірге алып Ресейге қоныс аударыпты. 1999-жылы И.Тасмағамбетов Атырау облысының әкімі болып жүрген кезде құнды мұрағат әкімнің көмегімен елге қайтадан оралды. Ал И.Тасмағамбетовтың жеке жинағына алынған тас шамдал біздің жыл санауымызға дейінгі 5-3 ғасырдан қалған ескерткішке саналады. Ол Батыс Қазақстаннан табылған.

Пікір қалдырыңыз

Пікір қалдыру тіркелген пайдаланушылар ғана мүмкін