Бұл туралы Caravan.kz медиа порталы хабарлайды.
Айта кетейік, күні кеше Райм Бақтыгереевтің бұрынғы сүйіктісі тұрмыс құратынын мәлімдеген еді. Көпшілік оның бақытқа лайық екенін айтып, отбасылық өміріне бақыт тілеген тілектерін жаудырған болатын.
Бойжеткеннің таңдауы кәсіпкер Жәнібек Ерболатұлына түскен. Көпшілік оның үш рет ажырасқанын жарыса жазып жатыр.
Кәсіпкердің өзі болса, аталған мәселеге қатысты түсініктеме беріп, желіде жазба қалдырды.
«Ешкімнің аузына қақпақ бола алмаймын. Ажырасқаным рас. Бірақ ешкім менен зардап шекпеген. 4-5 әйел алды деген өтірік. Олай айтпаңыздар. Рамазанда ұстаған оразаларыңыз мені өсектеп зая кетпесін. Басқалар сияқты үсті-үстіне тоқал алған емеспін. Ешкім ажырасамын деп үйленбейді. Әркімнің өз айыбы бар. Біреулер жалға машина алып жүр деп жазып жатыр, ол автопрокат өзімідікі. Ажырасқан адам бақытты бола алмай ма? Ешкім сау сиырдың тезегі емес, әркімнің бір өткен оқиғасы бар. Айналайындар-ау, кім ажыраспай жатыр. Осы өсектің артында жақсы болашақ күтіп тұрғанына сенімдімін. Алла Тағала барлығыңыздың отбасыңызға береке берсін, еліміз аман, жұртымыз тыныш болсын», — деп жазды ол.
