Жарияланды: 332

Алматылық трансгендер апелляциялық шағым түсірді

Алматылық трансгендер апелляциялық шағым түсірді

Алматыда 7 жылға сотталған трансгендер апелляциялық шағым түсірді, - деп хабарлайды Tengrinews.kz тілшісі оның адвокаты Инара Масановаға сілтеме жасап.

"Мен кеше Викториямен кездестім. Ол екі күн бұрын шағым түсіргенін айтты. Біз де адвокаттар ретінде шағым түсірмекшіміз. Бізде 21 наурызға дейін уақыт бар", - деді адвокат Масанова.

Адвокаттың айтуынша, Виктория Беркходжаева апелляциялық шағымнан үміт күтеді.

"Ол, әрине, өзінің ақталып шығатынына сенген еді. Себебі ол кінәлі емес екеніне сенімді. Апелляциялық шағымнан үміт күтеді. Тергеу изоляторында барлығы дұрыс, әйелдермен бір камерада отыр. Олардың Викторияға деген қарым-қатынасы жақсы", - деді адвокат.

Еске салайық, 6 наурызда 27 жастағы трансгендер-қызға бопсалау ісі бойынша сот үкімі шықты.

Виктория Беркходжаеваға ҚР Қылмыстық кодексінің 194-бабы 4-бөлігі бойынша айыпты деп танып, жеті жылға бас бостандығынан айыру және мүлкін тәркілеу жазасы кесілді. "Сот Беркходжаева Виктория Валижанованы ҚР Қылмыстық кодексінің 194-бабы 4-бөлігі бойынша қарастырылған қылмысқа кәнілі деп танылып, жеті жылға бас бостандығынан айыру және мүлкін тәркілеу жазасы кесілді. Ол жазасын жалпыға бірдей режимдегі колонияда өтейді", - деп оқыды үкімді судья Қасым Қалмағамбетов. 

Сотталушы Каримжан Беркходжаев аса ірі көлемде ақша бопсалаған. Іс бойынша айыпталушы және жәбірленуші ретінде жынысын ауыстырған екі ер адамның ісі қаралған. Алайда құжаттарға сай, жәбірленуші - әйел адам. Тергеу нұсқасы бойынша, сотталушы жынысын ауыстыру үшін тағы бір ота жасау тиіс болатын, сол себепті ол өз құрбысынан 33 мың доллар беруін талап еткен. Сотталушы құрбысына зәбір көрсеткен. Ондай көлемдегі ақшаны таба алмаған құрбысы құқық қорғау органдарына барып, арыз берген. Тамызда Виктория қамауға алынған. Алайда ол өз кінәсін мойындамайды. "Мен өзімді кінәлі деп санамаймын. Ол мені қызғанатын. Жанжал екеуіміздің ортақ сүйген бір жігітіміз үшін шықты", - деді Беркходжаева. Сот процесі жабық түрде өтті. 

Осыған дейін Алматыда сотталушы трансгендер полицейлердің өзін қинағанын айтты. Каримжан Беркходжаев қылмыстық іс бойынша тергеу барысында өзіне заңсыз әрекеттердің қолданғанын айтты. Сот сотталушының шағымын тексеруді бұйырған еді.
 

Пікір қалдырыңыз

Сіздің пікіріңіз,

[X]