Ақмола облысында оқушылар теміржолда ойнап жүріп, тоққа түскен

Әртүрлі деңгейлі күйік алған оқушылар ауруханаға жеткізілді



Ақмола облысында жазатайым оқиға орын алды — екі оқушы тауар вагондарында ойнап жүріп, тоққа түсіп қалған, деп хабарлады ішкі істер департаменті Sputnik Қазақстан агенттігіне. Оқиға 12 маусымда Ақкөл теміржол станциясында болған. "Кәмелеттік жасқа толмаған екі бала тауар вагондарының төбесінде жүріп, тоққа түсіп қалған. Ауруханаға басы, мойыны мен денесінің 90%-ы 2-3 деңгейлі электр күйігін алған, 2003 жылы туған бала жеткізілді. 2003 жылы туған екінші баланың денесінің 20%-ы күйген", — деп мәлімет берді ІІД. Төтенше оқиғаның мән-жайы тергелуде.