Ресейдегі «Журналистcкая правда» ақпараттық агенттігі Головкиннің азаматтығын қате жазды, деп хабарлайды Stan.kz.
«Орта салмақтағы әлем чемпионы, ресейлік Геннадий Головкинмен жекпе-жектен кейін ұлыбританиялық Келл Брукқа ота жасалынады. Бұл туралы 11 қыркүйек күні «Р-Спорт» жазды», – деп жазылған агенттіктің ақпаратында.
Естеріңізге сала кетейік, 10 қыркүйек күні Ұлыбритания астанасында қазақстандық боксшы, орта салмақтағы әлем чемпионы Геннадий Головкин мен британиялық Келл Брук арасында жекпе-жек өтті.
Бесінші раундта Головкин Брукты техникалық нокаутқа түсірді. Бруктың бапкері рингке ақ орамал тастап, жекпе-жектен бас тартқан болатын.