"Алдын ала ақпарат бойынша Барселонадағы теракты салдарынан зардап шеккендердің арасында Қазақстан азаматтары жоқ. Бұл алдын ала мәліметтер. Анықтау жұмыстары жалғастырылуда. Қазақстанның Барселонадағы консулдығы жергілікті құқық қорғау органдарының өкілдерімен тығыз байланысты ұстауда", — деп хабарлады ҚР СІМ өкілі.
Алайда, Сыртқы істер министрлігі Испания мен Барселонада нақты қанша Қазақстан азаматының жүргенін айта алмай отыр.
Еске салайық, 17 тамыз күні кешке Барселонада микроавтобусқа мінген лаңкес адамдар көп жүретін жерге келіп, жүргіншілерді басып-жаншыды. Салдарынан 13 адам қаза тауып, 100 астам адам жараланды. Зардап шеккендердің арасында шетелдіктер көп.