Жарияланды: 208

Бүгін елде ауа райы бұзылайын деп тұр

Бүгін елде ауа райы бұзылайын деп тұр

"Қазгидромет" 11 тамызда еліміздің аймақтарында болатын ерекше метеорологиялық құбылыстарға болжау-консультациясын жариялады.

Атмосфералық фронттардың өтуіне байланысты Қазақстанның басым аймақтарында тұрақсыз ауа райы сақталады, жаңбыр мен найзағай болады. Жел күшейіп, бұршақ, дауыл болуы мүмкін. Республиканың батысында, солтүстік-батысында жауын-шашынсыз ауа райы сақталады. Республиканың солтүстігінде және солтүстік-батысында тұман күтіледі.

Оңтүстік Қазақстан,  күндіз Жамбыл, Шығыс Қазақстан облыстарының кей жерлерінде бұршақ, дауыл, жел 15-20, екпіні 23-28 м/с дейін күшейеді.

Павлодар облысының кей жерлерінде жел 15-20, екпіні 23-28 м/с күшейеді, тұман болады. Қостанай, күндіз Ақтөбе облыстарының кей жерлерінде жел 15-20 м/с күшейеді, түнде және таңертең тұман болады.

Ақмола, Қарағанды, Алматы, күндіз Солтүстік  Қазақстан облыстарының кей жерлерінде жел 15-20 м/с күшейеді, бұршақ, дауыл болып, Ақмола, Солтүстік  Қазақстан облыстарында түнде және таңертең тұман  күтіледі.

Қызылорда, Маңғыстау, тұнде Атырау облыстарының кей жерлерінде жел 15-20 м/с күшейеді, Қызылорда облысында шаңды дауылмен болады.

Алматы облысы, Қызылорда, Атырау, Оңтүстік Қазақстан, Жамбыл, Батыс Қазақстан,  Ақтөбе, Қарағанды облыстарының  кей жерлерінде  өте жоғары өрт қауіпі сақталады. 

Астана қ: көшпелі бұлтты,  кей кездерде  жаңбыр жауады, найзағай, дауыл, бұршақ болуы мүмкін. Солтүстік, солтүстік-шығыстан жел соғады, күші 9-14, екпіні 15-20 м/с. Ауаның  температурасы түнде +8+10°С, күндіз +14+16°С болады.                                                                                                                                                  
Алматы қ: көшпелі бұлтты, күндіз өткінші жаңбыр, найзағай болады. Желдің күші 2-7 м/с, найзағай кезінде екпіні 12 м/с болады. Ауаның температурасы түнде +19+21°С, күндіз +29+31°С болады.                                        

Пікір қалдырыңыз

Сіздің пікіріңіз,

[X]