Бұл бейнежазбаны Youtube-тегі Qazaqstan news қолданушысы кеше жариялады. Онда оқиғаның Алматы облысында болғаны туралы жазылған. Бірақ видеоның қай күні түсірілгені және бұның қандай жағдайда болғаны белгісіз, деп хабарлайды Caravan.kz.
Осы бейнежазбаны белгілі заңгер Айгүл Орынбек те өзінің Фейсбуктегі парақшасына салып, оқиғаға қатысты ойын жазды.
"Кеше үндістер қол көтерді, бүгін қытайлар полиция қызметкерлеріне бағынбай отыр. Ертең осы полиция қызметкерлерін "қытайларға неге қол көтересің?" деп қылмыстық іс ашпаса жарар еді. Өз елімізде өзіміз ұлтарақ болып кетпесек болғаны. Əшейінде қазаққа əлі жететін полиция қызметкерлері бір қытайға əлдері жетпей жүр. Мына видеоны көріп, елімнің болашағына қауіпсіздігіне алаңдап отырмын" дейді А.Орынбек.