Мәжіліс төрағасы Нұрлан Нығматулин балаларын планшетпен алдаусырататын ата-аналарды сынады деп жазады Tengrinews.kz.
"Қазір осы заң жобасымен айналысып жатырмыз… Балалардың планшетке, айпадқа қолжетімділігі айналасында сұрақтар көп. Балалар кішкентай кезінен кітап оқудың орнына планшет қарайды. Ал жас ата-ана бала мазасын алмаса болды деген ойда жүреді. Қолына ұстатып қояды да, ол таңнан кешке дейін планшетке телміріп отырады. Ал бес жасқа келгенде көзі нашарлайды, тағы басқа проблемаларға ұрынады. Ал ертең Денсаулық сақтау министрлігі "Бізде тыйым салатын норма жоқ" дейді де қояды", — деп пікір білдірді Нығматулин үкімет отырысында.
Мәжіліс спикері Министрліктің мұндай ұстанымын "түйеқұс" деп атап, бұл ұстанымның қайыры болмайтынын айтты.
